సౌరాష్ట్రే సోమనాథం చ
శ్రీశైలే మల్లికార్జునమ్ ।
ఉజ్జయిన్యాం మహాకాళం
ఓంకారమమలేశ్వరమ్ ॥
పరల్యాం వైద్యనాథం చ
డాకిన్యాం భీమశంకరమ్ ।
సేతుబంధే తు రామేశం
నాగేశం దారుకావనే ॥
వారాణస్యాం తు విశ్వేశం
త్ర్యంబకం గౌతమీ తటే ।
హిమాలయే తు కేదారం
ఘృష్ణేశం చ శివాలయే ॥
ఏతాని జ్యోతిర్లింగాని
సాయం ప్రాతః పఠేన్నరః ।
సప్తజన్మకృతం పాపం
స్మరణేన వినశ్యతి ॥
యం యం కామమపేక్ష్యైవ
పఠిష్యంతి నరోత్తమాః ।
తస్య తస్య ఫలప్రాప్తిః
భవిష్యతి న సంశయః ॥
ఇతి శ్రీ ద్వాదశ జ్యోతిర్లింగ స్తోత్రం సంపూర్ణమ్।
