శుక్రవారములయందు సాష్టాంగ నమస్కారములతో పఠించవలెను.
నమస్తేస్తు మహామాయే
శ్రీపీఠే సురపూజితే ।
శంఖచక్రగదాహస్తే
మహాలక్ష్మి నమోస్తుతే ॥ 1 ॥
నమస్తే గరుడారూఢే
కోలాసుర భయంకరి ।
సర్వపాపహరే దేవి
మహాలక్ష్మి నమోస్తుతే ॥ 2 ॥
సర్వజ్ఞే సర్వవరదే
సర్వదుష్ట భయంకరి ।
సర్వదుఃఖహరే దేవి
మహాలక్ష్మి నమోస్తుతే ॥ 3 ॥
సిద్ధిబుద్ధి ప్రదే దేవి
భుక్తిముక్తి ప్రదాయిని ।
మంత్రమూర్తే సదా దేవి
మహాలక్ష్మి నమోస్తుతే ॥ 4 ॥
ఆద్యంతరహితే దేవి
ఆద్యశక్తి మహేశ్వరి ।
యోగజ్ఞే యోగసంభూతే
మహాలక్ష్మి నమోస్తుతే ॥ 5 ॥
స్థూలసూక్ష్మ మహారౌద్రే
మహాశక్తి మహోదరే ।
మహాపాపహరే దేవి
మహాలక్ష్మి నమోస్తుతే ॥ 6 ॥
పద్మాసనస్థితే దేవి
పరబ్రహ్మ స్వరూపిణి ।
పరమేశి జగన్మాతః
మహాలక్ష్మి నమోస్తుతే ॥ 7 ॥
శ్వేతాంబరధరే దేవి
నానాలంకార భూషితే ।
జగత్స్థితే జగన్మాతః
మహాలక్ష్మి నమోస్తుతే ॥ 8 ॥
ఫలశ్రుతి
మహాలక్ష్మ్యష్టకం స్తోత్రం
యః పఠేద్భక్తిమాన్నరః ।
సర్వసిద్ధిమవాప్నోతి
రాజ్యం ప్రాప్నోతి సర్వదా ॥
ఏకకాలే పఠేన్నిత్యం
మహాపాప వినాశనం ।
ద్వికాలం యః పఠేన్నిత్యం
ధనధాన్య సమన్వితః ॥
త్రికాలం యః పఠేన్నిత్యం
మహాశత్రు వినాశనం ।
మహాలక్ష్మీర్భవేన్నిత్యం
ప్రసన్నా వరదా శుభా ॥
ఇతి ఇంద్రకృత శ్రీ మహాలక్ష్మ్యష్టక స్తోత్రం సంపూర్ణమ్ ॥
