శ్రీ నవగ్రహ స్తోత్రం

శ్రీ వ్యాస మహర్షి విరచితం

ఆదిత్యాయ చ సోమాయ
మంగళాయ బుధాయ చ ।
గురు శుక్ర శనిభ్యశ్చ
రాహవే కేతవే నమః ॥

సూర్యుడు

జపాకుసుమ సంకాశం
కాశ్యపేయం మహాద్యుతిమ్ ।
తమోఽరిం సర్వపాపఘ్నం
ప్రణతోస్మి దివాకరమ్ ॥

చంద్రుడు

దధిశంఖ తుషారాభం
క్షీరోదార్ణవ సంభవమ్ ।
నమామి శశినం సోమం
శంభోర్మకుటభూషణమ్ ॥

కుజుడు

ధరణీగర్భ సంభూతం
విద్యుత్కాంతి సమప్రభమ్ ।
కుమారం శక్తిహస్తం తం
మంగళం ప్రణమామ్యహమ్ ॥

బుధుడు

ప్రియంగు కలికాశ్యామం
రూపేణాప్రతిమం బుధమ్ ।
సౌమ్యం సౌమ్యగుణోపేతం
తం బుధం ప్రణమామ్యహమ్ ॥

గురుడు

దేవానాం చ ఋషీణాం చ
గురుం కాంచనసన్నిభమ్ ।
బుద్ధిభూతం త్రిలోకేశం
తం నమామి బృహస్పతిమ్ ॥

శుక్రుడు

హిమకుంద మృణాళాభం
దైత్యానాం పరమం గురుమ్ ।
సర్వశాస్త్ర ప్రవక్తారం
భార్గవం ప్రణమామ్యహమ్ ॥

శని

నీలాంజన సమాభాసం
రవిపుత్రం యమాగ్రజమ్ ।
ఛాయామార్తాండ సంభూతం
తం నమామి శనైశ్చరమ్ ॥

రాహువు

అర్ధకాయం మహావీరం
చంద్రాదిత్య విమర్దనమ్ ।
సింహికాగర్భ సంభూతం
తం రాహుం ప్రణమామ్యహమ్ ॥

కేతువు

పలాశపుష్ప సంకాశం
తారకాగ్రహ మస్తకమ్ ।
రౌద్రం రౌద్రాత్మకం ఘోరం
తం కేతుం ప్రణమామ్యహమ్ ॥

ఫలశ్రుతి

వ్యాసేనోక్తమిదం స్తోత్రం
యః పఠేత్ ప్రయతః శుచిః ।
దివా వా యది వా రాత్రౌ
విఘ్నశాంతిర్భవిష్యతి ॥

ఐశ్వర్యమతులం తేషాం
ఆరోగ్యం పుష్టివర్ధనం ।
నరనారీ ప్రియత్వం చ
నిత్యం తస్యోపజాయతే ॥

ఇతి శ్రీ నవగ్రహ స్తోత్రం సంపూర్ణమ్।